MORGANICUM (ad)

ad MORGANICUM

coniugium dicitur, cum Princeps vel Nobilis, filium aut prolem habens, inferiorem duxerit; eâ conditione, ut ne ipsa suae dignitatis titulum usurpet, nec filii ex iis nuptiis suscitati cum prioribus hereditatem sortiantur; sed hôc contenta sit, quô mane nuptiarum, quod Morgengaba, seu Morgangiva, vel Morgengeba, Burgundis, Alamannis Ripuariis, Longobardis dictum, sponsus eius eam donaverit. Vide Henr. Spelmann. Gloss. Arch.